ဝမ်းနည်းရမှာလား..၀မ်းသာရမှာလား

မြန်မာပြည်သတ္တုသယံဇာတ နှင့် ပတ်သက်ပြီး
သတ္တုတွင်းဝန်ကြီးဌာနမှာ နှစ်ပေါင်း (၃၀)ကျော်အလုပ်လုပ်လာခဲ့တဲ့
သတ္တုတူးဖေါ်ရေးအင်ဂျင်နီယာတစ်ယောက်၏
ပွင့်လင်းမြင်သာသော ဘက်မလိုက်သည့် ဆောင်းပါးတပုဒ်ကို
အများသူငါ လွယ်ကူစွာ လေ့လာမှတ်သားနိုင်ရန် ထပ်ဆင့် ဖေါ်ပြခြင်း ဖြစ်ပါသည်။



မူးရင်း facebook link  https://web.facebook.com/tun.htun.9/posts/1004393283027735
မူရင်း ဆောင်းပါးရှင်     ထွန်းထွန်း (သတ္တုတွင်း)




၈-၃-၂၀၁၇ ရက်နေ့ထုတ် ကြေးမုံသတင်းစာမှာ သယံဇာတနှင် သဘာဝပတ်ဝန်းကျင်ထိန်းသိမ်းရေးဝန်ကြီး
ဌာနဧ။်တစ်နှစ်တာဆောင်ရွက်ချက်ဆောင်းပါးမှာ သတ္တုကဏ္ဍနဲ့ပတ်သက်ပြီးမေးလာတဲ့မေးခွန်းကို ပြည်ထောင်စုဝန်ကြီးဖြေထားတာကိုဒီလိုဖတ်လိုက်ရတယ်.....

မေး…သစ်တောကဏ္ဍ နဲ့ သတ္တုကဏ္ဍရဲ့အဓိကခြားနားမှုနဲ့ ဓါတ်သတ္တုနှင့် ကျောက်မျက်ရတနာတွေကို ရေရှည်အကျိုးခံစားရရှိစေဖို့အတွက် စီမံဆောင်ရွက်ထားမှုများကိုပြောပြပါအုံးရှင့်။

ဖြေ.. သစ်တောကဏ္ဍ နဲ့ သတ္တုကဏ္ဍရဲ့အဓိကခြားနားမှုကိုတင်ပြရရင် သစ်တောသစ်ပင်ဆိုတာပြန်လည်သုံးစွဲလို့ရပါတယ်။ Renewable Energy လို့ခေါ်ပါတယ်။ 
သတ္တုကျတော့ Non Renewable Resources ဖြစ်နေပါတယ်။
ပြန်လည်ဖွံ့ဖြိုးမှုမရှိပါဘူး။ သုံးပြီးရင် ကုန်ပါတယ်။ ဒါကြောင့်မို့ သတ္တုကို ရေရှည်သုံးနှိုင်ဖို့အတွက် 
ပစ္စုပ္ပန်ရော အနာဂတ်မှာရောက်ရှိလာမယ့် မျိုးဆက်သစ်များအတွက် အရန်သတ္တုသိုက်တွေ 
ချန်ထားဘို့စီစဉ်ပြီးပါပြီဖြစ်ပါတယ်။
စစ်ကိုင်းတိုင်းဒေသကြီး၊ မကွေးတိုင်းဒေသကြီး နဲ့ မန္တလေးတိုင်းဒေသကြီး တို့မှာ ကျောက်မီးသွေး
နဲ့ပါတ်သက်ပြီး ဧကပေါင်း ၁၁၆၀၀၀၀ ကျော် ချန်ထားပါတယ်။သံသတ္တုသိုက်ကိုလည်း ကချင်ပြည်နယ် 
ဖားကန့်မြို့နယ် ကသိုင်းဘုရားတောင်ဒေသမှာ ဧက ၁၁၈၇၀၀၀ ကျော် အရန်သတ္တုသိုက်တွေ အဖြစ်ချန်ထားခဲ့မှာဖြစ်ပါတယ်။
သတ္တုတူးဖေါ်တဲ့နေရာမှာ၂၀၁၆၂၀၁၇အစိုးရသစ်လက်ထက်ကစပြီးတော့ EMP လို့ခေါ်တဲ့
Environmental Management Plan ကို ရေးဆွဲထားပါတယ်။ ရေးဆွဲပြီးအတည်ပြုပြီးကာမှ ဆက်လက်
သတ္တုတူးဖေါ်ခွင့်ပေးတာဖြစ်ပါတယ်၊အဲဒီလိုမှမဟုတ်ရင်တူးဖေါ်ခွင့်ကိုရပ်ထားပါတယ်။တူးဖေါ်တာကိုလည်းအကန့်အသတ်နဲ့ခိုင်းနေပါတယ်.။ ၂၀၁၆ ခုနှစ် မတ်လ ၁ ရက်ကစပြီးအကန့်အသတ်နဲ့ တူးဖေါ်ဖို့ဆုံးဖြတ်ပြီးတော့ ၂၀၁၆ ခုနှစ်ဧပြီ ၁ ရက်ကစပြီးတော့ လုံးဝနောက်ထပ်အသစ်ပေးခြင်းမလုပ်ဖို့
တားမြစ်ထားပါတယ်။ ဒါဟာလည်း အနာဂတ်မှာရှိမယ့် ပြည်သူပြည်သားများအတွက်ဖြစ်ပါတယ်။

ဒီလိုဖြေကြားချက်ကိုဖတ်လိုက်ရတော့ သတ္တုတွင်းဝန်ကြီးဌာနမှာ နှစ်ပေါင်း (၃၀)ကျော်အလုပ်လုပ်လာ
ခဲ့တဲ့ သတ္တုတူးဖေါ်ရေးအင်ဂျင်နီယာတစ်ယောက် အသက်ဘယ်လိုဆက်ရှူရမလဲ မသိလောက်အောင်ကို သတ္တုကဏ္ဍ အတွက်ရင်မောသွားပါတယ်။ ခုတ်ရာတစ်ခြားရှရာတစ်ခြားတော့ဖြစ်နေပြီလို့လဲမြင်ယောင်လိုက်ပါတယ်။ သာမန်ပြည်သူပြည်သားတစ်ယောက်အနေနဲ့ကတော့ဒီဖြေကြားချက်တွေဟာ ဒို့မျိုးဆက်သစ်
တွေအတွက် စီစဉ်တာဘဲလို့သေခြာပေါက်မြင်မှာပါ။ ဒါပေမဲ့ သတ္တုတူးဖေါ်ရေးအင်ဂျင်နီယာတွေ၊ ဘူမိဗေဒပညာရှင်တွေ၊ သတ္တုတူးဖေါ်ရေးနဲ့ပတ်သက်ပြီးစနစ်တကျစီးပွားရေးဆောင်ရွက်နေတဲ့လုပ်ငန်းရှင်တွေ အတွက်တော့ဒီဖြေကြားချက်ဟာအရှေနဲ့အနောက်ဆိုသလိုဆန်ကျင်ဘက်ဖြစ်နေတယ်လို့ဘဲပြောရပါမယ်။
သတ္တုသယံဇာတဆိုတာတူးပြီးရင်ပြန်မရနှိုင်တော့သလို.ဒီလိုဖြစ်ထွန်းလာဖိုကလည်းနှစ်ပေါင်းသန်းနဲ့ချီကြာမြင့်မှဖြစ်ရတာဖြစ်လို့ နှောင်းလူများအတွက် သတ္တုသယံဇာတ တွေရှိဖို့လိုအပ်တာလည်းအမှန်ပါဘဲ။
ဒါပေမဲ့ အထက်ကရှင်းပြသလိုမတူးဘဲချန်ထားဖို့မဟုတ်ပါဘူး။ သတ္တုသယံဇာတဆိုတာအချိန်တိုင်းဈေးကောင်းရနေတဲ့ ကုန်ပစ္စည်းမျိုးမဟုတ်ပါ။ အချိန်အခါအလိုက်ဈေးအတက်အကျအမြဲရှိပါတယ်။
အနီးစပ်ဆုံနမူနာပေးရရင်၂၀၀၇ခုလောက်ကကမ္ဘာမှာနီကယ်သတ္တု လက်ကျန်နဲနေချိန်.တရုတ်နိုင်ငံက ကမ္ဘာအိုလံပစ်ပွဲလက်ခံကျင်းပဘို့ အဆောက်အဦးတွေဆောက်လုပ်ရာမှာသံမဏိမျိုးစုံကိုသုံးနေချိန်ဆိုတော့ သံမဏိလုပ်ငန်းမှာမပါမဖြစ်လိုအပ်တဲ့ နီကယ်သတ္တု ဟာတစ်တန်ကို အမေရိကန်ဒေါ်လာ တစ်သောင်းနှစ်ထောင်လောက်ကနေေ ဈးထိုးတက်သွားတာ တစ်တန်ကို တစ်သောင်းခွန်နှစ်ထောင်ကျော်သွားခဲ့ပါတယ်။ အိုလံပစ်အတွက်ဆောက်လုပ်ရေးလုပ်ငန်းတွေပြီးသွားချိန်နဲ့ဈေးကောင်းရတုံးတစ်ကမ္ဘာလုံးနီကယ်ကိုဝိုင်းထုတ်လိုက်တော့ဈေးကွက်မှာနီကယ် သတ္တုတွေပိုလျှံလာလို့ဈေးကျသွားလိုက်ထာ၂၀၁၆ ခုနှစ်ကုန်ခါနီးမှာ တစ်တန်ကို အမေရိကန်ဒေါ်လာ ကိုးထောင်(၉၀၀၀)လောက်အထိကျသွားခဲပါတယ်။အခုထိလည်း
တစ်တန်ကို တစ်သောင်းတစ်ထောင်နဲ့ တစ်သောင်းနှစ်ထောင်ကြားမှာဘဲရှိနေတုံးပါ။ဒါကိုကြည့်ရင် သတ္တုသယံဇာတ ဆိုတာတူးခြင်တိုင်းတူးလိုမရသလိုရပ်ခြင်တိုင်းလဲရပ်လိုမရပါဘူး။
ဒါကြောင့် သတ္တုတွင်းဒီဇိုင်းရေးဆွဲရာမှာ လည်း အချိန်အခါလိုက်ထုတ်လုပ်မှုကို အလွယ်တကူနဲ့ စီးပွားရေးတွက်ခြေကိုက်အောင်ပြောင်းလဲနှိုင်တဲ့ ဒီဇိုင်း မျိုးဖြစ်အောင်ရေးဆွဲရပါတယ်။ဒါကိုတော့ Design Flexibility ရှိတယ်လို့ခေါ်ပါတယ်။ဒီလိုရှိအောင်လည်းသတ္တုတွင်းဒီဇိုင်းတွေကိုရေးဆွဲရပါတယ်။ဒါကြောင့် သတ္တုတွင်းလုပ်ငန်းမှာ သတ္တုတွင်းဒီဇိုင်ဟာအလွန်အရေးကြီးပါတယ်။
သတ္တုသယံဇာတတွေ သက်တန်းရှည်ရှည်နဲ့နှောင်းလူတွေအတွက်ပါ ရှိနေစေခြင်တယ်ဆိုရင်တော့သတ္တုတွေမတူးဘဲချန်ထားရတာမျိုးမဟုတ်ပါဘူး။ချန်ထားတာမျိုးရအောင်ရည်မှန်းချက်တစ်ခုချမှတ်လုပ်ဆောင်ရပါမယ်။
သတ္တုသယံဇာတ ကဏ္ဍရဲ့တိကျတဲ့ ရည်မှန်းချက် ကတော့
(၁) သတ္တုသယံဇာတတွေ စဉ်ဆက်မပြတ်ဖွံ့ဖြိုးတိုးတက်အောင်ဆောင်ရွက်ရေး။
(၂) သတ္တုသယံဇာတတွေကိုနိုင်ငံအတွက်အကျိုးကျိုးရှိရှိ တူးဖေါ်ထုတ်လုပ်စေနှိုင်ရေး။ တို့ဖြစ်ပါတယ်။
(၁) သတ္တုသယံဇာတတွေ စဉ်ဆက်မပြတ်ဖွံ့ဖြိုးတိုးတက်အောင်ဆောင်ရွက်ရေး။
(၁) သတ္တုသယံဇာတတွေ စဉ်ဆက်မပြတ်ဖွံ့ဖြိုးတိုးတက်အောင်ဆောင်ရွက်ဖို့ဆိုရင်၊ဘူမိဗေဒလေ့
လာရေးနဲ့ရှာဖွေရေးဦးစီးဌာနကိုနိုင်ငံတကာအဆင့်မှီဖြစ်အောင်ပြန်လည်အသက်သွင်းရပါမယ်။နိုင်ငံတကာအဆင့်မှီဓါတ်ခွဲခန်းတွေတည်ထောင်ပေးရပါမယ်၊ဘူမိဗေဒပညာရှင်တွေနဲ့ သတ္တုသိုက်အသစ်တွေ ရှာဖွေဖေါ်ထုတ်စေရပါမယ်။အကြောင်းအမျိုးကြောင့်ရပ်ဆိုင်းသွားတဲ့ဘူမိဗေဒလေ့လာရေးနဲ့
ရှာဖွေစူးစမ်ရေး လုပ်ငန်းတွေကို ပြန်လည်လုပ်ဆောင်လာနှိုင်အောင်စီစဉ်ပေးရပါမယ်။

မြန်မာနိုင်ငံမှာသတ္တုသယံဇာတတွေပေါများတယ်လို့ထင်နေကြပါတယ်။
တကယ်တော့ မပေါများပါဘူး။

ဒီနေ့အထိမြန်မာနိုင်ငံမှာ၊အသေးစိပ်စမ်းသပ်တိုင်းတာပြီးစီးမှူအရ၊
သတ္တုတွင်းအင်ဂျင်နီယာအမြင်နဲ့ကြည့်ရင်နမ္မတူဘော်တွင်းမိုင်းဟောင်းကြီးမပါ၊
ကမ္ဘာ့အဆင့်မှီသတ္တုသိုက်ကြီး(၃)ခုဘဲရှိတယ်။
(၁)မုံရွာဒေသ၀န်းကျင်မှာရှိတဲ့ကြေးနီသတ္တုသိုက်။
(၂)တကောင်းတောင်ဒေသမှာရှိတဲ့နီကယ်သတ္တုသိုက်။
(၃)ကလေးမြို့အနီးမှာရှိတဲ့မြွေတောင်နီကယ်သတ္တုသိုက်၊တို့ဖြစ်တယ်။

ဒါတောင်မြွေတောင်နီကယ်သတ္တုသိုက်ဆိုရင်နီကယ်ပါဝင်မှူကပျမ်းမျှ(၁.၄)ရာခိုင်နှုန်းလောက်သာရှိလို့
အရည်အသွေးမြင့်တဲ့သတ္တုသိုက်လို့မဆိုနှိုင်ဘူး။
တစ်ခြားသတ္တုတွေဖြစ်တဲ့၊သံသတ္တုဆိုရင်ကချင်ပြည်နယ်၊ဖားကန့်မြို့ နယ်ထဲက၊ကသိုင်းတောင်သံသတ္တုသိုက်ဟာတန်ချိန်အနေနဲ့သန်း(၂၀၀)ကျော်ရှိတယ်။ဒါပေမဲ့သံပါဝင်မှူ(Iron Content)က(၅၀)ရာခိုင်နှုန်းဘဲရှိနေတော့၊သံသတ္တုကနေသံအဖြစ်ထုတ်လုပ်ဖို့က၊ဒီနေ့အထိရှိပြီး နည်းပညာအရ၊စီးပွားရေးတွက်ခြေမကိုက်လို့မလုပ်နှိုင်ပြန်ဘူး။ကမ္ဘာမှာသံပါဝင်မှူရာခိုင်နှုန်း(၆၀)နဲ့အထက်ရှိတဲံ့သံသတ္တုသိုက်တွေကိုသာအများအားဖြင့်တူးဖေါ်ထုတ်လုပ်နေကြတယ်။ဒါကလည်းသံသတ္တုကနေ သံ၊သံမဏိဖြစ်အောင်ကြိုချက်ထုတ်လုပ်ရာမှာသံပါဝင်မှုရာခိုင်နှုန်း(၆၀)အောက်ကိုစီးပွားဖြစ်၊ အောင်အောင် မြင်မြင်မထုတ် လုပ်နှိုင်သေးလို့ဘဲဖြစ်တယ်။
သံသတ္တုအနေနဲ့ရှမ်းပြည်နယ်၊တောင်ကြီးခရိုင်မှာပင်းပက်သံသတ္တုသိုက်ရှိတယ်။တန်ချိန်အနေ နဲ့သန်း(၁၀၀)လောက်ရှိတယ်။ပျှမ်းမျှသံပါဝင်မှူအနေနဲ့(၅၆)ရာခိုင်နှုန်းလောက်ဘဲရှိတော့စီးပွားဖြစ်သံ၊ သံမဏိထုတ်လုပ်နှိုင်တဲ့နည်းစဉ်ကအခက်အခဲရှိပြန်တယ်။
တစ်ခြားတွင်းထွက်သယံဇာတတွေအနေနဲ့ကျောက်မီးသွေးက၊
ဒီနေ့အထိတိုင်းတာပြီးမှုအရမြန်မာတစ်နိုင်ငံလုံးအနေနဲ့
တန်ချိန်သန်း(၂၀၀)လောက်ဘဲရှိတယ်။ဒါဟာအင်ဒိုနီးရှားလိုနိုင်ငံရဲ့
ကျောက်မီးသွေးတစ်နှစ်ထုတ်လုပ်စာဘဲရှိတယ်။

အရည်အသွေးအနေနဲ့ကြပြန်တော့.. အဆင့်(၁)ဖြစ်တဲ့အင်ဒရီဆိုဒ်(Antherasite)နဲ့အဆင့်(၂)ဖြစ်တဲ့ဘီကျူးမီးနပ်စ်(Bituminous)အမျိုးအစား ကျောက်မီးသွေးမဟုတ်ပြန်ဘူး။
အဆင့်(၃)နဲ့အဆင့်(၄)လောက်သာရှိတဲ့ဆပ်ဘီကျူးမီနပ်စ်(SubBituminous)နဲ့လီဂနိုက်(Lignite)အဆင့်ကျောက်မီးသွေးသာဖြစ်တယ်။အကောင်းစားကျောက်မီးသွေးများယနေ့အထိမတွေ့ရသေးပါ။
ခဲသတ္တုအနေနဲ့ဆိုရင်တစ်ချိန်ကကမ္ဘာမှာနာမည်ကြီးခဲ့တဲ့နမ္မတူဘော်တွင်းကအတော်ကိုသက်တမ်းရှည်ရှည်ထုတ်ခဲ့ပြီးပါပြီ။
အနီးအနားပါတ်ဝန်းကျင်တွေမှာထပ်ပြီးအသေးစိပ်ရှာဖွေစမ်းသပ်တိုင်းတာဖို့လိုနေပါပြီ။ဘော်ဆိုင်းခဲသတ္တုတွင်းကလည်းဒီလိုဘဲ။
ဒီတော့အသေးစိပ်ရှာဖွေစမ်းသပ်တိုင်းတာမှူတွေမလုပ်နိုင်သမျှသတ္တုသိုက်အသစ်တွေမတွေ့သေးသမျှ၊
သတ္တုတွေပေါပါတယ်လို့ပြောဖို့ခက်ပါတယ်။
သတ္တုသယံဇာတတွေစဉ်ဆက်မပြတ်ဖွံ့ဖြိုးတိုးတက်အောင်ဆောင်ရွက်ဖို့ခက်သလိုနောင်လာနောက်သားများအတွက်သတ္တုသယံဇာတတွေချန်ထားဖို့ခက်ပါတယ်။

ဒီတော့ ဘူမိဗေဒလေ့လာရေးနဲ့ရှာဖွေရေးဦးစီးဌာနကိုပီပြင်ပြင်ဖြစ်အောင်ပြန်လုပ်ပေးပြီးဘူမိဗေဒပညာရှင်တွေကိုလည်းနေရာပေးခန့်ထားရပါမယ်။နိုင်ငံတကာကိုလည်းစေလွှတ်ပြီးထပ်မံပညာသင်စေတာမျိုး၊ပညာသင်ကြားပြီးပြန်
ရောက်လာသူတွေကိုလည်းထိုက်တန်တဲ့ရာထူးလစာတွေပေးအပ်ခန်ထားအသုံးချတာမျိုးကိုပါ စနစ်တကျ စီမံ
ကိန်းချဆောင်ရွက်ပေးရပါမယ်။ဒီလိုလုပ်လိုက်ရင် သတ္တုသယံဇာတအသစ်တွေ သတ္တုသိုက်အသစ်တွေပေါ်
ထွက်လာမှာဖြစ်သလိုနောင်လာမဲ့မျိုးဆက်သစ်ပြည်သူပြည်သားများအတွက်ရှာဖွေပေးခဲ့ရာလည်းရောက်
ပါတယ်။ဒါဟာရှိပြီးသား သတ္တုသိုက်တွေကိုမတူးစေဘဲချန်ထားတာထက် များစွာအဓ်ိပ္ပါယ်
ရှိပါတယ်။ဒါကြောင့် သတ္တုသိုက်တွေကိုမတူးဘဲချန်ဖို့လုပ်တာဟာနိုင်ငံအတွက်အကျိုးမရှိနှိုင်လို့ ဘူမိဗေဒပညာရှင်တွေ၊သတ္တုတွင်းအင်ဂျင်နီယာတွေရဲ့အမြင်နဲ့အရှေ့ နဲ့ အနောက်လိုဆန့်ကျင်ဘက်ဖြစ်နေ
ပြီလိုအထက်မှာဆိုခဲ့တာပါ။
သတ္တုသယံဇာတဆိုတာ၊ရှိယုံနဲ့မရသေးပါဘူး။

တန်ချိန်ပမာဏလည်းများရပါမယ်၊သတ္တုအရည်အသွေးအဆင့် လည်းမှီရပါမယ်။ဒီနေံအထိတိုင်းတာမှတ်တမ်းတင်ထားပြီးသမျှ သတ္တုတွေဟာနဲနဲစီနေရာအနှံ့ပြန်နေတာမျိုးဘဲဖြစ်ပါတယ်။သတ္တုတွင်းကြီးတွေလုပ်လောက်အောင်မရှိပြန်ပါဘူး
ပြီးတော့သတ္တုသယံဇာဆိုတာ သူကို သတ္တုစင်(Metal)အဖြစ်၊စီးပွားဖြစ်အောင်အောင်မြင်မြင်ထုတ်လုပ်နိုင်တဲ့ နည်းစဉ်လည်းရှိရပါမယ်။
သတ္တုရှိပြီးနည်းစဉ်မရှိဘူးဆိုရင်လည်း၊အဲဒီသတ္တုဟာရှိတာဘဲရှိတယ်
အလုပ်မဖြစ်ပြန်ဘူး။တစ်နည်းပြောရရင်စီးပွားဖြစ်ထုတ်ယူဖို့မဖြစ်နိုင်ပြန်ပါဘူး။
ဒီလိုသတ္တုသိုက်မျိုးကိုသာစံနစ်တစ်ကျချန်ထားတတ်ဖို့လိုပါတယ်။
တစ်ချိန်ချိန်မှာအောင်မြင်တဲ့နည်းစဉ်အသစ်တွေပေါ်လာပြီဆိုရင်သုံးလို့ရပါမယ်။
သတ္တုသိုက်တွေကိုလက်တန်းထိုးချန်ခြင်သလိုချန်လို့မရပါဘူး။
တစ်ခြားတွင်းထွက်တွေဖြစ်တဲ့၊ခဲမဖြူ(Tin)အဖြိုက်နက်(Tungstin)နဲ
့ခနောက်စိမ်း(Antimoni)တို့ကောများများရှိသလားဆိုတော့၊ရှိတော့ရှိတယ်နည်းတယ်လို့ဘဲပြောရပါမယ်။
တနင်္သာရီဘက်မှာခဲမဖြူ၊အဖြိုက်နက်သတ္တုသိုက်တွေကျန်သင့်သလောက်ကျန်သေးပါတယ်။
 ခနောက်စိမ်းကတော့ဟိုတစ်ကွက်ဒီတစ်ကွက်ဘဲရှိတယ်။အကြီးစားဒုကြီးဒယ်ကြီးနဲ့သတ္တုတွင်းအကြီးကြီး
လုပ်လောက်အောင်တစ်နေရာတည်းမှာများများမရှိပါဘူး။အသေးစားလေးတွေဘဲလုပ်လို့ရမယ်။
ဒါတွေကိုခြုံကြည့်ရင်မြန်မာနိုင်ငံမှာလောလောဆယ်စမ်းသပ်တိုင်းတာပြီးမှု့အရ၊သတ္တုသယံဇာတကမများဘူးလို့ဘဲဆိုရမယ်။
ဒီလိုမများရင်၊ရှိတာလေးကိုဘဲ၊အလေအလွင့်အနည်းဆုံးနဲ့၊အကျိုးရှိရှိဖြစ်အောင်အသုံးချတတ်ရပါမယ်။
အလေအလွင်နည်းတာနှင့်အမျှသတ္တုသိုက်သက်တန်းဟာလည်းပိုမိုရှည်ကြာစွာတူးလာနှိုင်မှာဖြစ်ပါတယ်။

ပြန်လည်ပြည့်ဖြိုးမြဲသယံဇာတမဟုတ်။
သတ္တုသယံဇာတဆိုတာ၊ပြန်လည်ပြည့်ဖြိုးနှိုင်စွမ်းမရှိတဲ့သယံဇာတ(Non – Renewable Resources)ဖြစ်ပါတယ်။
သစ်တောလို၊မွေးမြူရေးလုပ်ငန်းတွေလိုပြန်လည်ပြည့်ဖြိုးမြဲသယံဇာတ(Renewable Resources)မဟုတ်ပါဘူး။
သစ်တောတို့၊မွေးမြူရေးလုပ်ငန်းတို့လိုလုပ်ငန်းတွေက၊ထုတ်ယူသုံးစွဲလို့ကုန်သွားရင်၊စနစ်တကျပြန်စိုက်၊စံနစ်တကျပြန်မွေးမြူရင်အချိန်အတိုင်းအတာတစ်ခုအတွင်းမှာပြန်လည်ရရှိလာနှိုင်ပါတယ်။ သတ္တုသယံဇာတကတော့ထုတ်ယူသုံးစြွဲ့ပီးရင်ပြန်မရနှိုင်တော့ပါဘူး။
သူတို့ဖြစ်ထွန်းလာရတာကိုက၊လွန်ခဲ့တဲ့နှစ် သန်းပေါင်းများစွာကဖြစ်ခဲ့ရတာပါ။
မြန်မာနှိုင်ငံမှာတွေ့ထားပြီးတဲ့တွင်းထွက်သယံဇာတတွေထဲက၊ကျောက်မီးသွေးဆိုရင်လွန်ခဲ့တဲ့
နှစ်သန်းပေါင်း(၁၀၀နဲ့၄၀၀)သန်းခန့်ကဖြစ်ခဲ့တာ။
သံသတ္တုကတော့လွန်ခဲ့တဲ့နှစ်သန်းပေါင်း(၆၅)သန်းခန့်က၊
ခဲသတ္တုက လွန်ခဲ့တဲ့နှစ်သန်းပေါင်း(၄၅၀- ၄၈၀)သန်းခန့်က ၊နီကယ်သတ္တုကလွန်ခဲ့တဲ့နှစ်သန်းပေါင်း(၆၅)သန်းခန့်က ဖြစ်ခဲ့ကြတာ။
ဒါတွေကိုကြည့်ရင်သတ္တုသယံဇာတဖြစ်ထွန်းဘို့ဆိုတာနှစ်သန်းချီကြာမြင့်မှရခဲ့တာဖြစ်တယ်ဆိုတာတွေ့ရမှာဖြစ်တယ်။
ပြန်လည်ပြည့်ဖြိုးမြဲသယံဇာတလိုပြန်စိုက်၊်ပြန်မွေးလို့မရနှိုင်ဘူး။
ဒီတော့ဘာစံနစ်မှမရှိဘဲ လွယ်လွယ်တူး၊လွယ်လွယ်ထုတ်၊လွယ်လွယ်ရောင်းနေကြမယ်ဆိုရင်၊နှိုင်ငံတော်ရဲ့ကြွယ်ဝချမ်းသာမှုကိုလေလွင့်ပြုန်းတီးအောင်လုပ်တာနဲ့အတူတူဘဲဖြစ်ပါမယ်။သတ္တုသယံဇတနဲ့ပါတ်သက်လာရင်တူးဖေါ်လုပ်ကိုင်ခွင့်
လျှောက်တဲ့အချိန်ကစလို့၊ထုတ်လုပ်ရောင်းချတဲ့အထိ၊အသေးစိတ်စိစစ်ပြီးမှခွင့်ပြုရတာဖြစ်သလို၊
တူးဖေါ်ခွင့်ရသူကလည်းစံနစ်တကျတူးဖေါ်ထုတ်လုပ်ဖို့လိုပါတယ်။
ဒီလိုမှမဟုတ်ရင်သတ္တုလေလွင့်ပြုန်းတီးမှုတွေဖြစ်လာပါမယ်။
သတ္တုလေလွင့်ပြုန်းတီးမှုတွေကိုထိန်းချုပ်တာဟာလည်း သတ္တုသယံဇာတတွေ စဉ်ဆက်မပြတ်ဖွံ့ဖြိုးတိုးတက်
အောင်ဆောင်ရွက်ရာမှာအဓိကကျတဲ့အချက်ဖြစ်ပါတယ်။

သတ္တုသယံဇာတတွေကိုနိုင်ငံအတွက်အကျိုးကျိုးရှိရှိ တူးဖေါ်ထုတ်လုပ်စေနှိုင်ရေး။
သတ္တုသယံဇာတတွေကိုနိုင်ငံအတွက်အကျိုးကျိုးရှိရှိ တူးဖေါ်ထုတ်လုပ်စေနှိုင်ဖို့ဆိုရင်အောက်ပါအချက်တွေကို
မဖြစ်မနေဆောင်ရွက်ရပါမယ်။အဲဒါတွေကတော့
- သတ္တုသယံဇာတလေလွင်ပြုန်းတီးမှုတွေမဖြစ်အောင်၊လျှော့နည်းအောင်ထိန်းသိမ်းခြင်း
- ကျွမ်းကျင်သူများကိုနေရာပေးခြင်း
- သတ္တုပြန်ရနှုန်းကောင်းဘို့လိုအပ်ခြင်း
- အရည်အသွေးမြင့်သတ္တုရိုင်းတွေကိုသာမတူးရအောင်စီမံဆောင်ရွက်ခြင်း
- နည်းစဉ်သစ်ဆိုတိုင်းအရမ်းလက်ခံခြင်းမှရှောင်ကျဉ်ခြင်း
-တာဝန်ရှိသူအဆင့်ဆင်မှတာဝန်ယူခြင်း
သတ္တုသယံဇာတလေလွင်ပြုန်းတီးခြင်း။
ဒီနေ့မြန်မာနှိုင်ငံမှာ၊သတ္တုတူးနေထုတ်နေတာကစံနစ်မကျတာတွေအများကြီးရှိနေပါတယ်။
မြေပေါ်သတ္တုတွင်းလို့ခေါ်တဲ့(Open Cut Mine )သတ္တုတွင်းတွေမှာ၊သတ္တုတွင်းဒီဇိုင်း(Mine Design)မရှိတာကများပါတယ်။
မြေဖယ်တတ်ရုံ( Earth Moving) လုပ်တတ်ရုံ နဲ့သတ္တုတွင်းဖြစ်ပြီလို့ထင်နေကြပါတယ်။
သတ္တုတွင်းဒီဇိုင်းမရှိဘဲ သတ္တုတူးနေကြတာဟာစံနစ်တကျတူးဖေါ်ထုတ်လုပ်တာမဟုတ်တဲ့အတွက်
သတ္တုလေလွင့်ပြုန်းတီးမှူဆိုတာ ရှိလာပါတယ်။
သတ္တုလေလွင့်ပြုန်းတီးနှိုင်တာတွေဟာသတ္တုတူးဖေါ်ထုတ်လုပ်မှူစံနစ်မကျတာတစ်ခုထဲမဟုတ်ပါဘူး။
တူးဖေါ်ထုတ်လုပ်ပြီးသယ်ယူပို့ဆောင်စဉ်၊ထားသိုစုပုံသိုလှောင်စဉ်နဲ့သတ္တုရိုင်းကနေသတ္တုစင်အထိ
အဆင့်ဆင့်ပြုပြင်ကြိုချက်ထုတ်လုပ်စဉ်တွေမှာလည်းလေလွင့်နှိုင်ပါတယ်။
ဒီထက်ပိုဆိုးတာကတော့ကြိုချက်ထုတ်လုပ်မဲ့နည်းစဉ်တွေဟာအောင်မြင်ပြီး(Proven Technology)မဟုတ်ဘဲ
မြေစမ်းခရမ်းပျိုးမဲ့နည်းစဉ်မျိုးကိုနည်းစဉ်အသစ်(New Technology)ဆိုပြီးခွင့်ပြုချက်မှားပေးခဲ့လို့မအောင်မြင်ဘူး၊ဒါမှမဟုတ်တစ်ဝက်တစ်ပျက်ဘဲအောင် မြင်တယ်ဆိုရင်သတ္တုလေလင့်ပြုန်းတီးတာဘဲဖြစ်ပါတယ်။

သတ္တုလေလွင့်ပြုန်းတီးမှူကိုထိန်းသိမ်းခြင်း။

ဒီတော့၊ဒီလေလွင့်ပြုန်းတီးမှူတွေကို၊အဆင့်ဆင့်ထိန်းသိမ်းဖို့ကသတ္တုကဏ္ဍနဲ့ပါတ်သက်နေတဲ့ပုဂ္ဂိုလ် အားလုံးနဲ့သက်ဆိုင်နေပါတယ်။
သတ္တုရိုင်းကနေသတ္တုစင်အဖြစ်အဆင့်ဆင့်ဆောင်ရွက်ရာမှာ၊လေလွင့်မှူကိုသတ္တုတူးဖေါ်စဉ်ကစပြီးလုပ်လို့ရပါတယ်။
သတ္တုတွင်းတစ်ခုဆောင်ရွက်တော့မယ်ဆိုရင်သတ္တုပြန်ရနှုန်း(Mining Recovery)ဟာသိပ်အရေးကြီးပါတယ်။
သတ္တုပြန်ရနှုန်းနည်းရင်သတ္တုလေလွင့်မှုများပြီး၊သတ္တုပြန်ရနှုန်းများရင် လေလွင့်မှုနဲမှာပါ။
ကုမ္ပဏီတွေကတူးဖေါ်ခွင့်လျှောက်တဲ့အခါမှာသူတို့ရဲ့တင်ပြချက်တွေမှာပါတဲ့
သတ္တုပြန်ရနှုန်းကိုစစ်ရပါမယ်။ကုမ္ပဏီတစ်ခုကသတ္တုပြန်ရနှုန်း(၈၅%)ရာခိုင်နှုန်းသာရှိပြီးကျန်ကုမ္ပတစ်ခုကဒီနေရာမှာဘဲ(၉၀%)ရာခိုင်နှုန်းရအောင်တူးနှိုင်မယ်ဆိုရင်၊(၉၀%)ရာခိုင်နှုန်းရအောင်တူးနှိုင်တဲ့ကုမ္ပဏီကသတ္တုလေလွင့်မှုနည်းအောင်ဆောင်ရွက်နှိုင်တယ်လို့သတ်မှတ်လို့ရပါတယ်။
ဒီတော့သတ္တုတွင်းသစ်တစ်ခုအတွက်ထုတ်လုပ်ခွင့်လိုင်စင်လျှောက်ထားစဉ်ကတဲကသတ္တုပြန်ရနှုန်းဘယ်
လောက်ရှိလဲဆိုတာ၊နည်းပညာပိုင်းအရသုံးသပ်ပြီးမှလိုင်စင်ချထားတာကိုဆောင်ရွက်ကြဘို့လိုပါတယ်။
ဒီလိုခွင့်ပြုချက်ပေးပြီးသတ္တုတွင်းဖြစ်အောင်အကောင်အထည်ဖေါ်ပြီဆိုရင်လဲ၊ပုံမှန်စစ်ဆေးဖိုလိုပါတယ်။သတ္တုတွင်းတစ်ခုလုံးအတွက်ငွေကြေးရင်းနှီးမြှုပ်နှံမှုကိုသတ္တုတွင်းလုပ်ခွင့်ရသူကစိုက်ထုတ်တာဘဲ၊ငွေကြေးဆုံးရှုံးတာကုမ္ပဏီကိစ္စဘဲလို့မြင်လို့မရပါဘူး။နိုင်ငံတော်ကအဲဒီလုပ်ငန်းအတွက်ငွေကြေးစိုက်ထုတ်တာမရှိပေမဲ့၊သတ္တုသယံဇာတစိုက်ထုတ်ပေးထားရတာဖြစ်ပါတယ်။ သတ္တုသယံဇာပိုင်ဆိုင်သူ(Resource Owner)ကနိုင်ငံတော်ဖြစ်ပါတယ်။
သယံဇာတနှင်သဘာဝပတ်ဝန်းကျင်ထိန်းသိမ်းရေးဝန်ကြီးဌာနက၊နိုင်ငံတော်ကိုယ်စားတာဝန်ယူရတာဖြစ်တဲ့အတွက်ပုံမှန်စစ်ဆေးရမဲ့တာဝန်ဟာလည်း သယံဇာတနှင် သဘာဝပတ်ဝန်းကျင်ထိန်းသိမ်းရေးဝန်ကြီး ဌာနရဲ့တာဝန်ပါ။
တူးဖေါ်မှုစံနစ်မကျလို့သတ္တုပြန်ရနှုန်းကျသွားတာနဲ့အမျှနိုင်ငံတော်ရဲ့သတ္တုသယံဇာတတွေဆုံးရှံးသွားပါမယ်။
ဆုံးရှံးသွားတဲ့သတ္တုတွေနဲ့ပါတ်သက်ပြီးရသင့်ရထိုက်တဲ့အခွန်အခတွေဆုံးရှုံးသွားပါမယ်။
နောက်တစ်ခုကသတ္တုစင်အဖြစ်ထုတ်လုပ်ရရှိနှိုင်ပြီး၊သတ္တုစင်ဖြစ်သွားတဲ့အခါမှာလည်းသတ္တုရိုင်းကို ရောင်းလို့ရတဲ့တန်ဘိုးထက်များစွာတန်ဘိုးရနိုင်တဲ့သတ္တုမျိုးကိုသတ္တုစင်မထုတ်စေဘဲ၊သတ္တုရိုင်းအတိုင်းတူးဖေါ်မှာကိုခွင့်ပြုတာဟာလည်း၊
သတ္တုအနေနဲ့လေလွင့်သွားတာမဟုတ်ပေမဲ့၊သတ္တုနဲ့ပါတ်သက်ပြီးရရှိနိုင်တဲ့ဘဏ္ဍာငွေတွေလေလွင့်သွားတာဖြစ်ပါတယ်။
ဒါမျိုးဟာအမှတ်တမဲ့ဖြစ်တတ်တာကြောင့်၊ခွင့်ပြုမိန့်ပေးနိုင်တဲ့တာဝန်ရှိသူများ
အနေနဲ့အထူးသတိထားရမှာပါ။
ဥပမာအနေနဲ့ချင်းပြည်နယ်ကမြွေတောင်နီကယ်သတ္တုသိုက်နဲ့စဉ်းစာကြည့်ပါ..
မြွေတောင်နီကယ်သတ္တုသိုက်။
မြန်မာနိုင်ငံမှာနီကယ်သတ္တုသိုက်ကြီး(၂)ခုရှိကြောင်းပြောခဲ့ပြီးပါပြီ။
ဒီထဲကတကောင်းတောင်နီကယ် သတ္တုသိုက်ကနေကမ္ဘာ့ရောင်းတန်းဝင်နီကယ်- သံသတ္တုစပ်(Ferro Nickel)ထုတ်လုပ်ပြီးရောင်းချနေပြီဖြစ်ပါတယ်။နီကယ်သတ္တုရိုင်း(၁)တန်ရဲရောင်းဈေးဟာအမေရီကန်ဒေါ်လာ(၁၀၀)အောက်မှာဘဲရှိနေပေမဲ့
နီကယ်သံသတ္တုစပ်(၁)တန်ရောင်းဈေးကဒေါ်လာ(၁၀၀၀၀)အထက်မှာ
ရှိနေတဲ့အ တွက်နိုင်ငံတော်မှာသတ္တုအတိုင်းရောင်းတာထက်ဝင်ငွေပိုရနေပြီဖြစ်ပါတယ်။
တကောင်းတောင်နီကယ်သတ္တုသိုက်လောက်နီကယ်ပါဝင်မှုမမြင့်မားပေမဲ့မြွေတောင်နီကယ်သတ္တုသိုက်က
နီကယ်သတ္တုရိုင်းတွေကိုလည်းနီကယ်သံသတ္တုစပ်၊ဒါမှမဟုတ်နီကယ်သတ္တုစင်အဖြစ်ထုတ်လုပ်ရောင်းချရန်လိုပါတယ်။
ဒီီတော့မြွေတောင် နီကယ်သတ္တုသိုက်ကနီကယ်သတ္တုကို၊
သတ္တုအရိုင်းအတိုင်းဒါမှမဟုတ်နီကယ်ပါဝင်မှုနည်းတဲ့နီကယ်သံသတ္တုစပ် (NPI-Nickel Pig Iron) Iron)တွေကိုဘဲထုတ်လုပ်တာကိုခွင့်ပြှုမယ်ဆိုရင်နိုင်ငံတော်အတွက်အများကြီးနစ်နာမှာဖြစ်ပါတယ်။
နီကယ်ပါဝင်မှုများတဲ့နီကယ်သံသတ္တုစပ်(Ferro Nicke)ထုတ်တာထက်၊နီကယ်ပါဝင်မှုရာခိုင်နှန်းနဲတဲ့နီကယ်သံသတ္တုစပ်(Nickel PigIron)ထုတ်တာကုန်ကျစရိတ်အများကြီးသက်သာတော့ထုတ်လုပ်
ခွင့်လျှောက်တဲ့သူ ကတော့ကုန်ကျစရိတ်နဲတာကိုထုတ်ပြီိးသူ့အတွက်
တွက်ခြေကိုက်အောင်လုပ်ခြင်မှာဘဲ။
ဒါဟာဥပမာတစ်ခုဘဲရှိပါသေးတယ်။


ကျန်တဲ့သတ္တုတွေမှာလည်းအခုလိုဘဲမသိလိုက်ဘဲနိုင်ငံအတွက်ငွေကြေးဆုံးရှုံးသွားတာတွေလေလွင့်သွားတာတွေရှိနှိင်ပါတယ်။ဒါကိုပညာရပ်ပိုင်းဆိုင်ရာတာဝန်ရှိသူများကရဲရဲဝံ့ဝံ့ထောက်ပြဘို့လိုသလိုတာဝန်ရှိသူများက
လည်းလက်ခံဘို့လိုပါတယ်။ဒီအခါမှာသတ္တုလေလွင့်မှုဒါမှမဟုတ်သတ္တုနဲ့ဆိုင်တဲ့ငွေကြေးလေလွင့်မှုကို
ကာကွယ်ပြီးဖြစ်ပါမယ်။

ကျွမ်းကျင်သူများကိုနေရာပေးပါ။
နောက်တစ်ခုကတော့သတ္တုတွင်းတစ်ခုထူထောင်ရာမှာစံနစ်တကျ၊သတ္တုတွင်းဒီဇိုင်းအတိုင်းတူးဖေါ်ဖို့လိုပါတယ်။ ဒီလိုတူးတဲ့အခါမှာနယ်ပယ်အလိုက်သတ်မှတ်ထားတဲ့ကျွမ်းကျင်ပညာရှင်တွေ
ဖြစ်တဲ့သတ္တုတွင်းအင်ဂျင်နီယာ တွေကိုခန့်ထားပြီးကြီးကြပ်ဆောင်ရွက်စေဘို့လိုပါတယ်။ သတ္တုနဲ့ပါတ်သက်တဲ့ဘူမိဗေဒပညာရှင်တွေခန့်ထားဘို့၊သတ္တုစင်အဖြစ်ဆက်လက်ထုတ်လုပ်ရာလုပ်ငန်းအဆင့်ဆင့်အတွက်သတ္တုဗေဒအင်ဂျင်နီယာ တွေခန့်ထား ဆောင်ရွက်စေဘို့လိုပါတယ်။
 ဒီနေ့ကမ္ဘာမှာပညာရပ်အသီးသီးမှာခေါင်စဉ်အသီးသီးနဲ့ပညာရှင်မျိုးစုံ၊
အင်ဂျင်နီယာမျိုးစုံမွေးထုတ်ပေးနေတာဟာသူ့ကဏ္ဍနဲ့သူလိုအပ်လို့သာဖြစ်ပါတယ်။
မလိုအပ်ခဲ့ရင်ဘွဲ့၊ဒီပလိုမာတစ်မျိုးနှစ်မျိုး လောက်ဘဲခွဲခြားပြီးသင်ကြားပေးမှာဖြစ်ပါတယ်။
ဒီတော့သူ့ကဏ္ဍနဲ့သူပညာရှင်များကျွမ်းကျင်သူများကိုအလေးထားသုံးစွဲရပါမယ်ဒီလိုသူ့နေရာနဲ့သူသုံးစွဲတတ်တဲ့အကျင့်ကောင်းတွေရအောင်လုပ်နိုင်လာရင်နိုင်ငံတော်အ လေအလွင့်(National Losses) များကိုထိန်းသိမ်းသွားနှိုင်မှာဖြစ်ပါတယ်။
သတ္တုပြန်ရနှုန်းကောင်းဘို့လိုတယ်။
သတ္တုလေလွင့်မှုဟာတူးဖေါ်တဲ့နည်းစဉ်၊ကြိုချက်သန့်စင်တဲ့နည်းစဉ် မှားရင်လေလွင့်မှုများပါတယ်။နည်းစဉ်မှန် ပေမဲ့၊ကဏ္ဍအလိုက်ကျွမ်းကျင်ပညာရှင်များကကြီးကြပ်မဆောင်ရွက်ရင်၊ဒါမှမဟုတ်စံနစ်တကျကြီးကြပ်မှုမရှိရင်လဲလေလွင့်မှာဖြစ်တယ်။သတ္တုတွင်းတစ်ခုကသတ္တုပြန်ရနှုန်း(၉၀%)နဲ့ဒီဇိုင်းဆွဲထားပေမဲ့၊တစ်ကယ်တူးတဲ့အခါ မှာကြီးကြပ်မှုအားနဲလို့၊ကျွမ်းကျင်မှုမရှိလို့စတဲ့အားနဲချက်တွေကြောင့်(၈၀%)ဘဲရတယ်ဆိုရင်(၁၀%)နစ်နာသွားတာဘဲဖြစ်ပါတယ်။တစ်နည်းပြောရရင်တော့သတ္တု(၁၀)တန်ဆုံးရှုံးသွားတဲ့သဘောဘဲဖြစ်တယ်။ဒီဆုံးရှုံးမူ့ကတူးခွင့်ရတဲ့ကုမ္ပဏီကဆုံးရှုံးနစ်နာသွားသလို၊နိုင်ငံတော်အပိုင်းကလည်းဒီလေလွင့်သွားတဲသတ္တုနဲ့ပါတ်သက်ပြီး ရသင့်ရထိုက်တဲံ့အခွန်အခတွေနစ်နာသွားမှာဘဲဖြစ်တယ်။
ဒီနေ့သတ္တုတူးဖေါ်နေကြတဲ့လုပ်ငန်းရှင်တွေရောနိုင်ငံတော်အပိုင်းကတာဝန်ရှိသူများကပါသတ္တုတွင်းရဲ့
သတ္တုပြန်ရနှုန်း(Mining Recovery)ကိုအလေးမထားတာများပါတယ်။
ဒါဟာနိုင်ငံတော်အတွက်ကော၊လုပ်ငန်းရှင်များအတွက်ပါအလွန်နစ်နာပါတယ်။ဒါကြောင့်စံနစ်တကျ သတ္တုတူးတတ်တဲ့အကျင့်ရအောင်လေ့ကျင့်ပေးဖို့လိုအပ်နေပြီဖြစ်တယ်။
အရည်အသွေးမြင့်သတ္တုရိုင်းတွေကိုသာမတူးရ။
သတ္တုသိုက်ကိုတူးဖေါ်ထုတ်လုပ်ရာမှာလည်း၊အရည်အသွေးမြင့်သတ္တု(High Grade Ore) ကိုသာရွေးတူးတာမျိုးမဖြစ်ဖို့လိုပါတယ်။
သတ္တုသိုက်တစ်ခုရဲ့တန်ချိန်ပမာဏကိုတွက်ချက်ရာမှာသတ္တုပါဝင်မှု အနိမ့်ဆုံးစံသတ်မှတ်ချက်(Cut-off Grade)ထားပြီးတွက်ချက်ရပါတယ်။
အဲဒီသတ္တုသိုက်ကိုသတ္တုတွင်းတစ်ခု အဖြစ်ထူထောင်တူးဖေါ်တဲ့အခါမှာ၊
သတ္တုသိုက်ပမာဏတွက်ချက်စဉ်ကသတ်မှတ်ထားရှိတွက်ချက်ခဲ့တဲ့(Cut-off Grade)အထိတူးလို့မဖြစ်နိုင်တာတွေရှိတတ်ပါတယ်။
အဲဒိအခါမှာသတ္တုတူးဖေါ်ရမဲံ့အနိမ့်ဆုံးသတ္တုအရည် အသွေး(Mineable Cut-off Grade)ကိုသတ်မှတ်မှတ်ပြီးတူးဖေါ်ထုတ်လုပ်ရပါတယ်။ ဒီလိုသတ်မှတ်ရာမှာအနိမ့်ဆုံ အရည်အသွေးအထိရနှိုင် တာကိုချန်လှပ်ခဲ့ပြီး၊အရည်အသွေးမြင့်တဲ့သတ္တုတွေကိုဘဲတူးယူမယ်ဆိုရင်
လည်းသတ္တုလေလွင့်သွားတဲ့သဘောဘဲဖြစ်ပါတယ်။
လုပ်ငန်းရှင်တွေအနေနဲ့ကတော့စီးပွားရေးတွက်ခြေကိုက်အောင်၊နဲနဲနဲ့များများရအောင်၊အရည်အသွေးမြင့်တဲ့
သတ္တုကိုဘဲတူးခြင်မှာဘဲ။ဒီတော့သတ္တုလေလွင့်တာတွေဖြစ်လာမယ်။မဖြစ်ရအောင်က၊ခွင့်ပြုစာချုပ်တွေမှာ
သတ္တုပါဝင်မှုရာခိုင်နှုန်းအနိမ့်ံဆုံးဘယ်လောက်ထိရှိရမယ်၊ပျမ်းမျှအရည်အသွေးဘယ်လောက်ရှိရမယ်၊ အမြင့်ဆုံးအရည်အသွေးဘယ်လောက်ထက်မများရ
ဆိုတာမျိုးတွေကိုစနစ်တကျသတ်မှတ်ထည့်သွင်းရေးသားဖို့လိုတယ်။
စာချုပ်ပါစည်းကမ်းမလိုက်နာရင်လည်းဘယ်လိုအရေးယူမယ်ဆိုတာမျိုးပါထည့်ထားမယ်ဆိုရင်သတ္တု လေလွင့်တာကိုကာကွယ်နှိုင်ပါမယ်။
နည်းစဉ်သစ်တိုင်းမကောင်းပါ။
သတ္တုလေလွင့်မှုဖြစ်နှိုင်တာနောက်တစ်မျိုးကတော့၊သတ္တုရိုင်းကနေ
သတ္တုစင်အဖြစ်ထုတ်လုပ်ရာမှာအသုံးပြုမဲ့ နည်းစဉ်(Technology)ဘဲဖြစ်ပါတယ်။
သတ္တုစင်၊သတ္တုစပ်ထုတ်လုပ်မဲ့နည်းစဉ်တစ်ခုဟာ၊ကမ္ဘာမှာအောင်မြင်ပြီး၊လက်ရှိသုံးစွဲနေတဲ့နည်းစဉ်(Proven Technology)ဖြစ်ဖို့လိုပါတယ်။
တစ်ချို့နည်းစဉ်တွေဟာ၊ဓါတ်ခွဲခန်းအဆင့် (Labortary Stage)အောင်မြင်ပေမဲ့၊ရှေ့ပြေးစက်ရုံငယ်အဆင့်(Pilot Plant Stage)မှာမအောင်မြင်တာတွေ ရှိပါတယ်။
တစ်ချို့ကြတော့ရှေ့ပြေးစက်ရုံငယ် (Pilot Plant Stage)အထိအောင်မြင်ပေမဲ့စက်ရုံကြီးအဆင့်
(Commercial Scale)မှာတော့၊မအောင်မြင်တာတွေရှိပါတယ်။စီးပွားရေးအရတွက်ခြေမကိုက်တာတွေ
ရှိပါတယ်။ ဒီတော့နည်းစဉ်တစ်ခုကိုအခြေခံပြီးသတ္တုတူးဖေါ်မယ်၊စက်ရုံဆောက်မယ်
ဆိုပြီးခွင့်ပြုချက်တောင်းခံလာတဲ့အခါ မှာ၊တင်ပြလာတဲ့နည်းစဉ်ဟာကမ္ဘာမှာအောင်မြင်ပြီးနည်းစဉ်( Proven Technology ) ဖြစ်မဖြစ် စိစစ်ဖို့ လိုပါတယ်။ နည်းစဉ်တစ်ခုဟာနည်းစဉ်အသစ်(New Technology )ဖြစ်ဖို့ထက်အောင်မြင်ပြီးနည်းစဉ် (Proven Technology)ဖြစ်ဖို့အရေးကြီးပါတယ်။
အောင်မြင်ပြီးနည်းစဉ်မဟုတ်ခဲ့ရင်မိမိတို့ရဲ့သတ္တုသယံဇာတကိုအသုံးချပြီး၊သူတို့ရဲ့နည်းစဉ်ကို
လာစမ်းသပ်တာမျိုးဖြစ်သွားနှိုင်ပါတယ်။
အဲဒီအခါမှာအောင်မြင်ရင်အကျိုးအမြတ်ရနှိုင် ပေမဲ့၊မအောင်မြင်ရင်၊
မိမိတို့ရဲ့သတ္တုသယံဇာတတွေဟာ၊နည်းစဉ်အသစ်တစ်ခုအတွက်အစမ်းသတ်ခံဖြစ်ပြီး ဆုံးရှုံးသွားမှာဖြစ်ပါတယ်။
တစ်ဝက်တစ်ပျက်ဘဲအောင်မြင်တယ်ဆိုရင်လည်း၊မိမိတို့သယံဇာတကနေရသင့်တဲ့အကျိုးအမြတ်တွေအပြည့်အ၀မရတော့တဲ့အတွက်၊ဒါဟာလည်းသတ္တုသယံဇာတလေလွင့်မှုတစ်မျိုးဘဲဖြစ်ပါတယ်။

တာဝန်ရှိသူများရဲ့တာဝန်။

သတ္တုသယံဇာတလေလွင့်ဆုံးရှုံးတယ်ဆိုတာ၊သတ္တုတူးဖေါ်တာစံနစ်မကျလို့၊လေလွင့်တာရှိသလို၊သယ်ယူပို့ ဆောင်မှုစံနစ်မကျလို့၊ထားသိုသိမ်းစည်းသိုလှောင်တာစံနစ်မကျလို့ဆုံးရှံးတာ၊သုံးစွဲတဲ့နည်းပညာမှားယွင်းလို့ဆုံးရှံးတာ၊သတ္တုရိုင်းကနေသတ္တုစင်၊အဖြစ်ထုတ်လုပ်နှိင်ပါလျက်နဲ့သတ္တုအရိုင်းအတိုင်းတူးဖေါ်ထုတ်လုပ်ရောင်းချ
ခွင့်ပြုလို့ငွေကြေးအရအလွန်အမင်းနစ်နာဆုံးရှံးတာ၊ဂျီဒီပီတက်ခြင်လို့၊မိမိလုပ်ငန်းဋ္ဌာန၀င်ငွေတက်ကြောင်းပြခြင်လို့ထုတ်လုပ်မှုကိုဈေးကွက်မရှိဘဲ။ဝယ်ယူသုံးစွဲမယ့်သူမရှိသေးဘဲ၊ဇွတ်တိုးထုတ်ခိုင်းလို့လေလွင့်တာဆိုပြီးလေလွင့်ဆုံးရှံးမှုအမျိုးမျိုးရှိပါတယ်။
ဒါတွေကိုသတ္တုသယံဇာတနဲ့ပါတ်သက်သူအားလုံးကအလေးထားဂရုပြုကြရပါမယ်။
သတ္တုသယံဇာတဆိုတာပြန်လည်ပြည့်ဖြိုးနှိုင်စွမ်းမရှိသော..သယံဇာတ( Non Renewable
Resources)ဖြစ်ပါတယ်။ထုတ်ယူသုံးစွဲပြီးပါက၊ပြန်လည်ပြည့်ဖြိုးမြဲသယံဇာတ(Renewable Resources)
တွေဖြစ်တဲ့သစ်တော၊သားငါးတွေလိုပြန်လည်ဖြည့်စွမ်းလို့မရနှိုင်ပါ။
မိမိတိုိ့နိုင်ငံမှာ သတ္တုသယံဇာတ က ထင်သလောက်မများပါ၊
ဒီတော့ထုတ်ယူသုံးစွဲတဲ့နေရာမှာနည်းစံနစ်တကျဖြစ်ဖို့၊အလေအလွင့်အနည်းဆုံးဖြစ်ဖို့အရေးကြီးပါတယ်။
နှစ်သန်းပေါင်းမြောက်မြားစွာကဖြစ်တည်ခဲ့တဲ့သတ္တုသယံဇာတတွေကို၊တူးဖေါ်ထုတ်လုပ်သူကြီးကြပ်စစ်ဆေးသူနဲ့ သယံဇာတနှင် သဘာဝပတ်ဝန်းကျင်ထိန်းသိမ်းရေးဝန်ကြီး ဌာနကတာဝန်ရှိ သူတို့ရဲ့
ဆောင်ရွက်တာတွေပေါ့လျှော့တာ၊အလေးဂရုမပြုတာတွေကြောင့်လေလွင့်ပြုန်းတီးမှုတွေမဖြစ်ရအောင်အားလုံးကပူးပေါင်းလုပ်ဆောင်ကြရပါမယ်။
သတ္တုသယံဇာတတွေကိုနောင်လာနောက်သားတွေအတွက်ကျန်ရှိစေခြင်တယ်၊နိုင်ငံအတွက်သတ္တုသယံဇာတ ကဏ္ဍကနေအကျိုးရှိရှိတူဖေါ်ထုတ်လုပ်စေခြင်တယ်ဆိုရင် အထက်မှာတင်ပြခဲ့တဲ့အချက်တွေကို သယံဇာတနှင် သဘာဝပတ်ဝန်းကျင်ထိန်းသိမ်းရေးဝန်ကြီး ဌာန အနေနဲ့ဖြစ်မနေဆောင်ရွက်ရပါမယ် ။
EMP လို့ခေါ်တဲ့ Environmental Management Plan ဆိုတာဟာသတ္တုသယံဇာတ ကဏ္ဍကစဉ်ဆက်မပြတ်ဖွံ့ဖြိုးတိုးတက်စေဖို့ နောင်လာမဲ့ပြည်သူပြည်သားများအတွက် သတ္တုသယံဇာတတွေ
ကျန်ရစ်စေဖို့ နဲ့ဘာမှပတ်သက်ခြင်းမရှိပါဘူး။
အဲဒီ EMP လို့ခေါ်တဲ့ Environmental Management Plan ဆိုတာ သတ္တုတွင်းတွေကြောင့်
သဘာဝပါတ်ဝန်းကျင်ကိုမထိခိုက်မပျက်စီအောင်သတ္တုတွင်းတွေကလိုက်နာဆောင်ရွက်ပေးရမဲ့
အစီအမံတစ်ခုသာဖြစ်ပါတယ်။
အဲဒီ Environmental Management Plan ဟာ သတ္တုတွင်းဒီဇိုင်းမှာထည့်သွင်းရေးဆွဲပေးရတဲ့ အပိုင်းလေးတစ်ခုသာဖြစ်ပါတယ်။
တကယ်လုပ်ရမှာက သတ္တုတွင်းဒီဇိုင်း တွေစနစ်တကျရေးဆွဲစေရမှာသာဖြစ်ပြီးဒီဇိုင်တွေအတိုင်းသတ္တုတွင်း
တွေကိုကြီးကြပ်ရမှာဖြစ်ပါတယ်။
ဒီလိုကြီးကြပ်နှိုင်ဖို့ဆိုရာမှာလည်းတိကျတဲ့သတ္တုတွင်းဥပဒေနနဲ့နည်းဥပဒေတွေရှိအောင်အမြန်ဆုံး
ဖေါ်ဆောင်ပေးရပါမယ်။
အဲဒီဥပဒေ၊နည်းဥပဒေတွေကိုကျင့်သုံးပြီးလိုက်နာအောင်ဆောင်ရွက်စေဖိုအတွက်၊သတ္တုတွင်းဦးစီး
ဌာနကိုပီပီပြင်ပြင်ဖြစ်အောင်ပညာရှင်များအင်ဂျင်နီယာများနဲ့ပြန်လည်ဖွဲစည်းပေးရပါမယ်။
နိုင်ငံခြားတိုင်းပြည်တွေကိုစေလွှတ်ပြီးပညာသင်ကြားစေခြင်း၊ပြန်ရောက်လာလျှင်လဲသင့်လျှော်ကိုက်ညီတဲ့
ရာထူးနဲ့လစာတွေကိုပါပေးပြီးတာဝန်ပေးစေရပါမယ်။ဒီလိုသာလုပ်မယ်ဆိုရင်သတ္တုသယံဇာတကဏ္ဍရဲ့ရည်မှန်းချက်ဟာပီပီပြင်ပြင်ဖြစ်လာပြီးနိုင်ငံတော်အတွက်သတ္တုသယံဇာတကဏ္ဍကအကျိုးရှိရှိဆောင်ရွက်ပေးတာမျိုးဖြစ်လာမှာပါ။
နိုင်ငံတော်အတွက်သတ္တုသယံဇာတကဏ္ဍ ဖွံ့ဖြိုးတိုးတက်စေလိုသောစိတ်ဆန္ဒအမှန်ဖြင့်ရေးသားလိုက်ပါတယ်။
သဘောထားကွဲလွဲနှိုင်ပါတယ်…။

ထွန်းထွန်း (သတ္တုတွင်း)..


မူးရင်း facebook link     https://web.facebook.com/tun.htun.9/posts/1004393283027735
မူရင်း ဆောင်းပါးရှင်       ထွန်းထွန်း (သတ္တုတွင်း)